- برشلونة، الكيان اللي يدّعي الفضيلة والأخلاق، انفضح بجلسة مدتها ساعة، وطلع وجهه الحقيقي كأفسد مؤسسة رياضية بالعالم
مدريد ما راحوا للمحكمة حتى يلقون خطابات شعبوية، محامين بيريز راحوا بأسئلة مبنية على وثايق حقيقية، عرّت لابورتا بالقاعة.
إجابات لابورتا خلت ولا مشجع برشلوني يگدر ينكر فساد فريقه، بعد ما رئيسهم ما گدر يفسّر ولا فضيحة وحدة.
ما گدر يفسّر:
• ليش المدفوعات تضخمت بنسبة ٨٠٠٪
• ليش النادي خبّى معلومات عن الضرائب والنيابة وحتى عن المدققين الداخليين
• ليش أول تكليف موثّق بتاريخ العلاقة كان عبوات صبار ألوفيرا
• ليش النادي يدّعي إن ابن نيغريرا هو اللي يكتب التقارير، والأب يگول ابنه ما يدري عنها شي، والابن بنفسه معترف إنه يستلم فلوس من جهة ثانية
والضربة القاضية إجت من شهادة إنريكي وفالفيردي كدّام نفس المحكمة، گالوا بالحرف إنهم ما استلموا ولا تقرير تحكيمي. زين إذا المدربين ما يستخدمون تقاريرك الفنية، الملايين هاي وين راحت؟
الفلوس ما چانت استشارات، الفلوس چانت حتى يزيدون النفوذ. وبرشلونة والاتحاد بعد تسريب جلسات المحكمة ما عاد يگدرون يخفّون السالفة.
الفكرة هنا، محامي رابطة الليغا بقيادة تيباس، مال النزاهة والأخلاق، جاب محامي وسأل سؤال واحد بس:
هل ابن نيغريرا كان يرافق الحكّام لمكتب الكامب نو؟
الاتحاد الإسباني، وهو حاضر كجهة اتهام، ما وجّه ولا سؤال للطرف الثاني… فضيحة كبيرة والله.
ما كان يشتغل شغله عدل غير محامين مدريد، الباقين كلهم كانوا يحاولون يطمطمون القضية ويا لابورتا.
جلسة لابورتا وضّحت إن:
• المدفوعات ما إلها أي مبرر فني
• التقارير كلها وهم
• إخفاء المدفوعات كان متعمّد
• هيكل التأثير على الحكّام موجود وحقيقي
• قضية نيغريرا مو فساد عابر، هذا نظام مشتغل سنين ومتموّل بملايين، وبيريز هو الوحيد اللي تجرأ ووقف بوجههم
أتمنى بعد هالسالفة ما نسمع ولا برشلوني يحچي عن التحكيم، خصوصاً بعد ما انسأل لابورتا عن دفعة بـ ٦٠ ألف يورو وكان جوابه: «ما أذكر، هاي صارلها ٢٠ سنة».
